12 августа православные христиане отмечают День памяти мученика Иоанна Воина. Мученик Иоанн Воин служил в армии в Константинополе. Он помогал бедным, страждущим, освобождал от казни арестованных христиан.
- 10 лунные сутки 2024-12-10 13:23:00
- 11 лунные сутки До следующего дня
- Мученик Иоанн Воин в Константинополе
- Святые мощи Мученика Иоанна Воина
- В чем помогают молитвы Иоанну Воину:
- Чудеса, происшедшие при обращении за помощью к мученику Иоанну Воину
- День памяти святого
- Мученик Иоанн Воин в Константинополе — Тропарь и Кондак
- Где купить иконы Божией Матери
- Вам понравятся эти статьи:
Мученик Иоанн Воин в Константинополе
Память 12 августа (30 июля по старому стилю)
Святой мученик Иоанн Воин служил в римской армии в царствование императора Юлиана Отступника (361-363). Его послали с другими солдатами, чтобы найти и убить христиан.
Хотя он, казалось, преследовал их, на самом деле святой мученик Иоанн Воин был тайным христианином. Он много помогал своим собратьям-христианам, следуя Заповеди Иисуса Христа:
Блаженны милостивые, ибо они помилованы будут (Мф. 5, 7)
Мученик Иоанн Воин освобождал арестованных, предупреждал других об опасностях, грозящих им, и помогал им бежать. Мученик Иоанн Воин проявлял милосердие не только к христианам, но и ко всем обездоленным и нуждающимся в помощи.
Он посещал больных и утешал скорбящих. Когда император Юлиан Отступник узнал о деятельности святого, он арестовал его и отправил в тюрьму в Константинополе.
В 363 году злой император, отрекшийся от Христа, был убит в войне с персами. Святой Иоанн был освобожден и посвятил свою жизнь служению ближнему, святой и чистой жизни. Он скончался в преклонном возрасте, но точный год его смерти неизвестен.
Со временем гробница святого Иоанна постепенно забылась. Однажды мученик Иоанн Воин явился во сне одной набожной женщине и открыл ей подробности своей жизни. Он также показал ей местонахождение своей могилы, и об этом стало известно всему региону.
Святые мощи Мученика Иоанна Воина
Его святые мощи, имевшие силу исцелять различные недуги, были перенесены в храм апостола Иоанна Богослова в Константинополе. По молитвам святителя Иоанна Солдата получают утешение страждущие скорби и печали.
В Русской Православной Церкви мученик Иоанн Воин почитается как защитник воинов и великий заступник за тех, кто переживает скорбь и тяжелые обстоятельства. Его также вызывают для возвращения украденных вещей и беглых рабов.
В иконографии святой мученик Иоанн Воин обычно изображается в виде мужчины средних лет со светло-каштановыми (или темными) волосами, высоким лбом и короткой бородой. Он одет в доспехи и плащ. На некоторых иконах он может держать крест, свиток или боевое оружие, а на других он изображен в патрицианском одеянии, в плаще поверх длинного хитона.
В чем помогают молитвы Иоанну Воину:
- утешает и спасает при обидах и несправедливых преследованиях;
- покровительствует и помогает воинам в сражениях при защите Отечества;
- указывает место потерянных ценностей;
- защищает от воров, бандитов и обидчиков.
Это интересно:
Богатым рабовладельцам молитвы помогали вернуть беглых рабов и слуг
Чудеса, происшедшие при обращении за помощью к мученику Иоанну Воину
Однажды во время варварского нападения нечестивых на Серпуховский женский монастырь один татарский воин ударил топором Икону мученика Иоанна Воина. После удара из иконы выступила кровь, но татарина это не забеспокоило.
И он еще раз размахнулся на икону, из которой полилось еще больше крови. Тут он сильно испугался, бросил топор и кинулся бежать в безумстве. Икона чудесным образом срослась, но на ней до сих пор остались следы запекшейся крови.
Эта чудотворная икона до сегодняшнего дня хранится в Серпухове. Многочисленные паломники поражены историей иконы, наблюдая следы крови на ней. Причем доподлинно известно, что тот злосчастный татарин принял христианство после случившегося.
Одна женщина смогла вернуть себе потерянное освященное в Иерусалиме драгоценное кольцо, после нескольких молитв, обращенных святому Иоанну Воину.
Другой случай описан в летописи, как одна женщина смогла после молитв святому Иоанну вернуть свои честно заработанные деньги из учреждения, откуда она была незаконно уволена нерадивым начальником, который собственноручно принес деньги домой пострадавшей.
Очевидцы рассказывают о возвращении украденного ценного ковра одной семье. Чудеса молитвы Иоанну Воину выражаются тем, что похититель сам принес украденное. Это случилось после того, как ему во сне несколько раз явился в доспехах Иоанн Воин.
Вор со страхом просил избавить его от этих сновидений.
День памяти святого
Память святого Иоанна Солдата отмечается 11 августа в греческом обиходе и 12 августа в славянском обиходе.
Мученик Иоанн Воин в Константинополе — Тропарь и Кондак
Память 12 августа
Тропарь — глас 4
О чудотворец Иоанне, / истинно верным служителем и воином Всеблагого Бога стал еси; / ибо потерпев мужественно за Веру и в блаженстве ход жития твоего завершив, / узрел ты на небесах Господа и Творца всего прекраснейшего и помогаешь терпящим всякие искушения. / Укрепляешь воинов в бою, / Спасая их от неприятельского плена, от ран, от внезапной смерти и жестоких напастей. / Посему, приснопамятная, моли Владыку Христа, да сотворит Он нам милостиво во всяком случае, / да не введет нас во искушения, но спасет души наши, / яко Человеколюбец.
Тропарь — глас 8
Блаженство Евангелия возлюбив, богомудрый Иоанне, / чистоту сердца твоего девством прославил еси. / Посему ты отверг суету мира сего, прибегая к созерцанию Бога, / Который прославил тебя чудесами исцелений, для лечения различных страждущих. / Посему умоляем тебя: «Умоли Христа Господа избавить нас от всяких скорбей, / и да стяжаем Царствие Небесное».
Кондак — глас 6
Песнопениями достойно прославим благочестивого воина Христова, / победившего врагов душевных и телесных, богомудрого Иоанна Мученика; / ибо чудесами творит обильные исцеления страждущим, / и умоляет Господа Бога спасти православных от всяких напастей.
Кондак — глас 3
Радостью великой явился еси страждущим бед, чудотворче Иоанне, / яко исцеляешь все болезни молящихся тебе исполнением их просьб. / Посему и ныне моли Господа, / да спасет нас по милости Своей.
Молитва
О мучениче Христов, Иоанне воине! Храбрый еси во бранех, и врагом прогонитель, и обидимым заступник, всем православным христианом. О великий заступниче и угодниче Христов, Иоанне воинственниче! Помилуй нас, грешных и недостоиных, и заступи в бедах и в скорбех, и в печалех и во всякой злой напасти, и от всякаго злаго и обидящаго человека, тебе бо дана бысть таковая благодать от Бога, еже молитися за ны, грешныя, в бедах и напастех зле страждущия. Избави убо нас от обидящих и ненавидящих, буди нам поборник крепок на вся видимыя и невидимыя враги наша. О великий поборниче, Иоанне воине! Не забуди нас, всегда молящихся тебе, просящих помощи и неоскудныя милости твоея, и сподоби нас, грешных и недостойных, получити от Бога неизреченная благая, яже уготова любящим Его. Яко подобает Ему всякая слава, честь и поклонение, Отцу и Сыну и Святому Духу, ныне, и присно, и во веки веков. Аминь.
Мученик Иоанн Воин
Канон
Глас 2-й
Песнь 1
Ирмос: Грядите людие, поим песнь Христу Богу, раздельшему море и наставльшему люди, яже изведе из работы египетския, яко прославися.
Припев: Святый мучениче Иоанне Воине, моли Бога о нас.
Светлое празднество твое, святе Иоанне, радостно на духовную трапезу нас созывает, в нейже учреждаеши ны вся, к тебе притекающия, даровании, в пользу прошения нам исполняя.
Припев: Святый мучениче Иоанне Воине, моли Бога о нас.
Подвигом добрым подвизався на земли, преблаженне Иоанне, и от злаго мучителя мученики Христовы сохраняя, приял еси от Христа Бога Небесную жизнь, отнюдуже в скорбех нам подаждь помощь.
Припев: Святый мучениче Иоанне Воине, моли Бога о нас.
Воинством истинным, Богомудре, злочестиваго царя небрег мучительства и богатство нищим Христа ради расточив, приял еси дар чудес от Бога, лукавыя человеки обличая, благочестивым способствуеши.
Слава: Воинство земное небрегл еси, иногда Христа ради тело свое удручая постом и молитвою, и враги посрамил еси. Сего ради и чудесы от Бога обогатился еси.
И ныне: Воплотися из Тебе боголепно Слово Безплотное премножеством человеколюбия, Пречистая Дево; Егоже, Владычице, моли вечное блаженство даровати нам.
Песнь 3
Ирмос: На камене мя веры утвердив, разширил еси уста моя на враги моя, возвесели бо ся дух мой, внегда пети: несть свят, якоже Бог наш, и несть праведен, паче Тебе, Господи.
Припев: Святый мучениче Иоанне Воине, моли Бога о нас.
С мученики несумненну веру стяжав, благодушне, и Христу Иисусу быв воин, добродетельми обогатился еси; темже совершающим память твою честную благое просвещение всегда даруй.
Припев: Святый мучениче Иоанне Воине, моли Бога о нас.
Лукавнующим зле невидимый гонитель, мучениче Христов, являешися и крадьбы, в тайне сущия, открываеши, приял бо еси власть от Бога полезная ко спасению всем содевати.
Припев: Святый мучениче Иоанне Воине, моли Бога о нас.
Якоже столп непоколеблем, сердце твое, всечестне Иоанне, имея, любовь мучеником Христовым сотворил еси, не бояся царева суровства, темже в любви Господни утверждатися нам помози.
Слава: Яко дерзновение имея к Богу, Иоанне, воин ныне Небесному Царю сый, проси нам грехов оставления, празднующим память твою.
И ныне: Богородице, Мати Господа Иисуса, со всеми святыми Того моли избавити ны от всех бед и скорбей, яко да посрамятся вси, являющии рабом Твоим злая, хвалити же с Сыном Тя присно нас сподоби.
Седален, глас 8-й
Царю Небесному и Творцу веков угождая присно, законопреступнаго Иулиана мучителя вся злоковарныя и богомерзкия советы отразил еси, славне, идолом бездушным жертвы возбранив творити, и тако в подвизе душу твою в руце Господу Богу предал еси. Егоже моли, святе Иоанне, прегрешений оставление нам даровати, чествующим святую память твою.
Слава: Мужеством души верою вооружився, глагол Божий, яко копие, взем, врага уязвил еси, мучеником похвало и удобрение, великий Иоанне.
И ныне: О Тебе радуется, Благодатная, всякая тварь, ангельский собор и человеческий род, освященный храме и раю словесный, девственная похвало, из Неяже Бог воплотися, и Младенец бысть, прежде век Сый Бог наш: ложесна бо Твоя престол сотвори и чрево Твое пространнее небес содела. О Тебе радуется, Благодатная, всякая тварь, слава Тебе.
Песнь 4
Ирмос: Пришел еси от Девы, не ходатай, ни Ангел, но Сам Господи воплощся, и спасл еси всего мя, человека. Тем зову Ти: слава силе Твоей, Господи.
Припев: Святый мучениче Иоанне Воине, моли Бога о нас.
Уподобился еси распеншемуся волею на Древе Христу Богу нашему, всечестне, сраспенся Ему всяким воздержанием, молитвою же, и милостынею, и многими добродеяньми.
Припев: Святый мучениче Иоанне Воине, моли Бога о нас.
Се даже до смерти, Иоанне мучениче, смирился еси: святыя бо твоя мощи на месте в погребении странных быша сокровены, сего ради Господь по всей вселенней тебе прослави.
Припев: Святый мучениче Иоанне Воине, моли Бога о нас.
Царя преступника Иулиана воинство тленное во власти содержав, от того послан был еси убивати Христовы мученики. Но ты, блаженне, тыя храня, в вере утверждал еси, во еже пети: слава силе Твоей, Господи.
Слава: Небеснаго ради радования и будущаго праведным веселия земная вся оставил еси мудрования, и, всячески добродетельми Богу угождая, за ны молися, Иоанне всечестне.
И ныне: Недоумение во спасение предлежит ми, от обышедших мя зол, Пречистая. Темже избави мя от них скоро, благоразумие подающи, к Тебе бо единей прибегох, Богомати.
Песнь 5
Ирмос: Света подателю и веков Творче, Господи, во свете Твоих повелений настави нас: разве бо Тебе, иного Бога не знаем.
Припев: Святый мучениче Иоанне Воине, моли Бога о нас.
Таин Божественных вкусив в разуме, Иоанне, проповедь Божия рождения исповедал еси, глаголя пред всеми: иного Бога, разве Всетворца, не знаю.
Припев: Святый мучениче Иоанне Воине, моли Бога о нас.
Возлюбившаго Господа любите, возглаголал еси, страстотерпче, страждущим мучеником, в Егоже любви утвердився, обогатился еси чудесы, врачуя болезни многая.
Припев: Святый мучениче Иоанне Воине, моли Бога о нас.
Славу мира сего ни во чтоже, Богомудре воине, вменил еси, славы ради Христовы, темже, страдальчество совершив и славы Божественныя сподобився, нам получити оную молися.
Слава: Не убоявся законопреступнаго Царя повеления, вместо мук христианы заступаше, и сокрывахуся твоим повелением, и сего ради воин бысть Царю силам.
И ныне: Тя, Владычице, молим, славяще Твое о нас милосердие: всяких ны скорбей, Марие, свободи и помози утреневати нам к Богу и вечнаго блаженства сподобитися.
Песнь 6
Ирмос: В бездне греховней валяяся, неизследную милосердия Твоего призываю бездну: от тли, Боже, мя возведи.
Припев: Святый мучениче Иоанне Воине, моли Бога о нас.
Силою Божиею укрепився, мучеников славо, Иоанне, прещений нечестивых небрегл еси; ныне же зря радостне Бога, от злых нас избави.
Припев: Святый мучениче Иоанне Воине, моли Бога о нас.
Молитвами и постом и в целомудрии всяким воздержанием Богу угодил еси, всечестне; свыше назирая, свобождай ны от скорби.
Припев: Святый мучениче Иоанне Воине, моли Бога о нас.
Просимая чествующим тя верно, блаженне, подаеши, злыя человеки обличая, о кающихся же Богу моляся.
Слава: Мученическое дерзновение восприим, потщался еси по вере Христове поборати, якоже добрый воин, вооружи себе силою Креста Господня, от Негоже даром чудес обогатися.
И ныне: Уврачуй, Богородице, страсти душ и телес наших, Врача Христа нам порождши, и вражие злоковарство посрами милосердием Твоим.
Кондак, глас 6-й
Благочестиваго воина Христова, победившаго враги душевныя и телесныя богомудренно, Иоанна мученика достодолжно песньми восхвалим, чудодействуя бо, подает обильная исцеления страждущим людем и молится Господу Богу от всяких бед спасти правоверныя.
Ин кондак, глас 3-й
Великая скорбным людем радость в бедах обретаешися, чудотворче Иоанне, всякия бо страсти молящим тя врачуеши, исполняя их прошения. Темже и ныне моли Господа, да спасет ны в милости Своей.
Икос
Кто подвиги твоя и страдания ради веры в Господа Иисуса изрещи возможет, прехвальне Иоанне? Или киими тя увенчаем похвалами, ради мужественнаго твоего в законе Господни и во истиннем благочестии стояния? Попрал бо еси вся козни душетлителя врага, целомудрием и всякими добротворении вооружився; богатство и славу и похоть вредную возненавидев, нищету и поношение Христово возлюбил еси, страждущим в скорбех помогая. Темже, вселився в Небесныя кровы, даровании преславных чудес обогатился еси. Оттуду убо, блаженне, вся, притекающия к тебе, назирай, помощи творя, во еже от всяких бед спасти правоверныя.
Песнь 7
Ирмос: Образу златому, на поле Деире служиму, трие Твои отроцы небрегоша безбожнаго веления, посреде же огня ввержени, орошаеми, пояху: благословен еси, Боже отец наших.
Припев: Святый мучениче Иоанне Воине, моли Бога о нас.
Безбожное мучителя законопреступнаго веление, страстотерпче Иоанне, преобидев, богочестив Всемогущаго Царя воин показался еси, благодатне же орошаемь, с людьми Божиими пел еси: благословен еси, Боже отец наших.
Припев: Святый мучениче Иоанне Воине, моли Бога о нас.
Сладкое и великое и радостное торжество ныне люди Господни облиста, еже мучеников доблейший целомудрый Иоанн вообрази. Точит бо цельбы молящимся верно Господу, иже взывают: благословен еси, Боже отец наших.
Припев: Святый мучениче Иоанне Воине, моли Бога о нас.
Дерзновение имея ко Владыце всех, святе Иоанне, яко ближний угодник Его, во обстоянии напастей наших предстательствуй Ему о нас и помогай избавитися нам от грехов, да богомудренно поим: благословен еси, Боже отец наших.
Слава: Дерзновение имея к своему Владыце, о нас молитву сотвори, Иоанне, и прошения наша исполни, и грехов прощения испроси нам молитвами твоими, вопиющим: благословен еси, Боже отец наших.
И ныне: Преславное совершися таинство в Тебе, Богомати, безсеменно бо зачала еси Сына, бремя грех наших упразднившаго. Темже, упование на Тя имуще и Твою помощь зряще, усердно вопием: благословена еси, Дево Владычице.
Песнь 8
Ирмос: Пещь иногда огненная в Вавилоне действа разделяше, Божиим велением халдеи опаляющая, верныя же орошающая, поющия: благословите, вся дела Господня, Господа.
Припев: Святый мучениче Иоанне Воине, моли Бога о нас.
Вышних ищай, на земли прелести возненавидел еси, Богоблаженне. Темже, с мученики Христовыми в любви духовней соединився, дерзновенно Богочеловека Иисуса проповедал еси, о Немже зовеши: благословите, вся дела Господня, Господа.
Припев: Святый мучениче Иоанне Воине, моли Бога о нас.
Неоскудно требования подавая, нищим был еси готовый питатель, воине благочестивомудренне Иоанне. И ныне, притекающия к тебе назирая, исполни тех прошения, да радостно зовем: благословите, вся дела Господня, Господа.
Припев: Святый мучениче Иоанне Воине, моли Бога о нас.
Всезритель Бог, усердие твое, Иоанне, и совершенную веру видев, прослави тя славою вечною. Егоже моли в пользе ущедрити ны, богомудренно поющия: благословите, вся дела Господня, Господа.
Слава: Моления наша приими, ныне приносимая тебе, праведному страстотерпцу. Тебе бо даде Господь чудесем дарование подаяти просящим верно прошения и превозносящим Христа во веки и поющим: благословите, вся дела Господня, Господа.
И ныне: Марие Богоневесто, к Тебе прибегаем и Тебе, припадающе, молимся: виждь, Владычице, скорбь нашу и озлобление от враг наших и умири жизнь всех нас, Миротворца порождши Господа, Егоже благословим во веки.
Песнь 9
Ирмос: Безначальна Родителя Сын, Бог и Господь, воплощся от Девы, нам явися, омраченная просветити, собрати расточенная. Тем Всепетую Богородицу величаем.
Припев: Святый мучениче Иоанне Воине, моли Бога о нас.
Добр явился еси пособник, преславне, людем Божиим, гонимыя сокрывая, и ныне чудесне помоществуеши верным, сего ради в памяти благодеяний твоих Христа Бога величаем.
Припев: Святый мучениче Иоанне Воине, моли Бога о нас.
Твоя чудеса, преблаженне Иоанне, во всем мире проповедаются; темже и днесь, собравшеся, славу возсылаем Христу, тебе прославльшему.
Припев: Святый мучениче Иоанне Воине, моли Бога о нас.
Нас, восхваляющих тя, мучениче Христов, и твоея помощи просящих, днесь услыши, и к полезным управляти не престай, молитвенник теплейший и ходатай к Богу нашему являяся.
Слава: Изряден врач сердец человеческих чудодеянии явился еси, Иоанне, помоществуя всем богочестивым; тем, воспевающе тя, Христа величаем.
И ныне: Пети, Дево, Тя не престаем, Помощницу, покров, скорое заступление и Предстательницу нашу непостыдную; соблюди Твоя рабы от всякаго озлобления и от козней лукаваго свобождай присно.
Светилен
Венценосче святе, предстояй со Ангелы Христову Престолу и света оттуду исполняяйся, страстотерпче, мир миру молитвами твоими исходатайствуй и нам спасение, благочестно память твою совершающим и в скорбех притекающим к тебе, Иоанне всебогате.
Слава: Познанием себе самаго познал еси Всетворящую Вину, Бога, в Негоже и уверовал еси и, Того исповедав, просвещаеши мир чудесы, Иоанне Богоблаженне.
И ныне: Во чреве Твоем Господь, погибающий мир от тления призвати восхотев, якоже ведяше, вселися, Богородице. Спасение убо вси обретше, вопием Тебе: радуйся, Всепетая Дево, порождши радость всей вселенней, обрадуй и нас, от врагов злодейства хранящи всегда.
Мученик Иоанн Воин
Акафист
Кондак 1
Избра́ннаго раба́ Царя́ Небе́снаго, до́бляго Христо́ва страстоте́рпца, Иоа́нна свята́го Во́ина и чудотво́рца похва́льными пе́сньми воспои́м, я́ко христиа́н засту́пника, целому́дрия блюсти́теля, стра́ждущих уте́шителя. Ты же, предстоя́ Престо́лу Святы́я Тро́ицы, моли́твами свои́ми от вся́ких зол и напа́стей охраня́й с ве́рою и любо́вию зову́щих ти:
Ра́дуйся, Иоа́нне, святы́й Во́ине и пресла́вный чудотво́рче.
Икос 1
Арха́нгели и А́нгели с любо́вию зря́ху на равноа́нгельское житие́ твое́, Иоа́нне пречу́дне, ты бо, пеки́йся о Госпо́дних, ка́ко угоди́ти Го́сподеви, сохрани́л де́вство неврежде́нно, посто́м и моли́твою умерщвля́я плоть свою́ день и нощь. Мы же таково́му житию́ твоему́ дивя́щеся, со умиле́нием взыва́ем ти си́це:
Ра́дуйся, чистоту́ се́рдца своего́ сохрани́вый; ра́дуйся, я́ко сего́ ра́ди Бо́га узре́ти сподо́бился еси́.
Ра́дуйся, и́го Христо́во на ра́мо свое́ взе́мший; ра́дуйся, ду́шу свою́ Христа́ ра́ди погуби́вый, во е́же спасти́ ю.
Ра́дуйся, А́нгелов сожи́телю; ра́дуйся, де́вственников похвало́.
Ра́дуйся, храни́телю и наста́вниче ю́ных отроко́в; ра́дуйся, ско́рый помо́щниче борю́щимся со страстьми́ и похотьми́.
Ра́дуйся, защи́тниче дев и вдови́ц; ра́дуйся, обличе́ние наруши́телей целому́дрия.
Ра́дуйся, роди́телей и воспита́телей наста́вниче; ра́дуйся, сиро́тствующих незри́мый води́телю.
Ра́дуйся, Иоа́нне, святы́й Во́ине и пресла́вный чудотво́рче.
Кондак 2
Ви́дя святы́й Иоа́нн, егда́ прии́де в Ну́меры Ифа́льския, христиа́ны гони́мы, не убоя́ся преще́ний нечести́ваго Иулиа́на и рече́ им: мужа́йтеся, укрепля́йтеся в ве́ре, да сподо́битеся вы́ну воспева́ти в Небе́сных черто́зех Христу́ Бо́гу: Аллилу́иа.
Икос 2
Ра́зум несумне́нный име́л еси́ в себе́, Иоа́нне достохва́льне, егда́ сла́ву ми́ра сего́ презре́в и гне́ва ца́рскаго не устраши́вся, испове́дал себе́ христиа́нина бы́ти, и сего́ ра́ди, я́ко злоде́й, в темни́цу всажде́н был еси́. Таково́му твоему́ о Христе́ дерзнове́нию дивя́щеся, глаго́лем:
Ра́дуйся, испове́дниче Христо́в преизря́дный; ра́дуйся, Христу́ спострада́вый.
Ра́дуйся, и́дольскаго служе́ния пре́лесть обличи́вый; ра́дуйся, си́лою Креста́ врага́ победи́вый.
Ра́дуйся, я́ко у́зы и темни́цу за Христа́ прия́ти сподо́бился еси́; ра́дуйся, я́ко хлад и наготу́ за Христа́ предпоче́л еси́ сла́ве грехо́вней.
Ра́дуйся, испове́дников похвало́; ра́дуйся, му́чеников ра́дование.
Ра́дуйся, в земны́х во́инех до́блий во́ин Царя́ Небе́снаго; ра́дуйся, убели́вый ри́зы своя́ в Кро́ви А́гнчей.
Ра́дуйся, Це́ркве Христо́вы защи́тниче; ра́дуйся, всех правосла́вных засту́пниче.
Ра́дуйся, Иоа́нне, святы́й Во́ине и пресла́вный чудотво́рче.
Кондак 3
Си́лою свы́ше препоя́санный возмо́гл еси́ победи́ти дре́вняго зми́я; то́южде си́лою одаре́нный, источа́еши оби́лие чуде́с всем призыва́ющим с ве́рою и́мя твое́ и о тебе́ благода́рне вопию́щим Бо́гу: Аллилу́иа.
Икос 3
Име́я в се́рдце свое́м тве́рдую ве́ру во Христа́ и си́лою тоя́ вооружи́вся, не убоя́лся еси́ гне́ва царе́ва и сохраня́л еси́ ифа́льския лю́ди от мучи́телей. Сего́ ра́ди таково́е му́жество твое́ похваля́юще, блажи́м тя си́це:
Ра́дуйся, адама́нте ве́ры Христо́вы; ра́дуйся, сто́лпе Це́ркве Бо́жия.
Ра́дуйся, ве́рных наде́ждо и заступле́ние; ра́дуйся, неве́рных страх и посрамле́ние.
Ра́дуйся, вене́ц испове́дника Христо́ва стяжа́вый; ра́дуйся, ору́жием Креста́ врага́ Христо́ва низложи́вый.
Ра́дуйся, Христа́ па́че ми́ра возлюби́вый; ра́дуйся, за христиа́ны ду́шу свою́ положи́вый.
Ра́дуйся, за́мыслы богоме́рзкаго мучи́теля разсе́явый; ра́дуйся, я́ко в темни́цех су́щих и во у́зех посеща́л еси́.
Ра́дуйся, я́ко и сам за Христа́ в темни́цу всажде́н был еси́; ра́дуйся, я́звы Го́спода своего́ на те́ле носи́вый.
Ра́дуйся, Иоа́нне, святы́й Во́ине и пресла́вный чудотво́рче.
Кондак 4
Бу́рею помышле́ний сумни́тельных колеба́шеся блаже́нный Иоа́нн, егда́ по́слан бысть в Ну́меры Ифа́льския, да му́чит та́мо ве́рующия во Христа́. «А́ще у́бо, — глаго́лаше, — по повеле́нию царе́ву и́мам благове́рныя лю́ди му́чити и убива́ти, осужде́н бу́ду от Бо́га, а́ще же не иду́ та́мо, в чи́не во́инства моего́ обря́щуся царю́ проти́вен и преда́н бу́ду сме́рти лю́тей». Оба́че стра́хом Бо́жиим води́мый, ве́ру Христо́ву в се́рдце свое́м сохрани́л да́же до злострада́ний и уз темни́чных, вопия́ Христу́: Аллилу́иа.
Икос 4
Слы́шав нечести́вый Иулиа́н твое́ ко христиа́ном милосе́рдие и уве́дев тя самаго́ христиа́нина бы́ти, разъяри́ся на тя зло́бою и повеле́ привести́ в Царьгра́д, я́ко злоде́я и проти́вника царе́ва. Ты же, благода́тию Бо́жиею укрепля́ем, страда́ния претерпе́л еси́ му́жественно и от ве́ры во Христа́ ника́коже отступи́л еси́. Сего́ ра́ди велича́ем тя си́це:
Ра́дуйся, испове́дниче ве́ры во Христа́ неустраши́мый; ра́дуйся, во́ине Христо́в непобеди́мый.
Ра́дуйся, я́ко со Архистрати́гами Сил Небе́сных Престо́лу Бо́жию предстои́ши; ра́дуйся, ско́рый помо́щниче всем за и́стину терпя́щим.
Ра́дуйся, искуше́ний и собла́знов от диа́вола избе́гнувый; ра́дуйся, я́ко и всех призыва́ющих тя от искуше́ний избавля́еши.
Ра́дуйся, за́мыслы богоме́рзкаго мучи́теля разсе́явый; ра́дуйся, и нам се́ти диа́вола избега́ти помога́ющий.
Ра́дуйся, щито́м ве́ры себя́ самаго́ от стрел лука́ваго защити́вый; ра́дуйся, и́мже и нас от искуше́ний охраня́ющий.
Ра́дуйся, христиа́нскаго ро́да украше́ние; ра́дуйся, Небе́сных черто́гов обита́телю.
Ра́дуйся, Иоа́нне, святы́й Во́ине и пресла́вный чудотво́рче.
Кондак 5
Боготе́чней звезде́ подо́бен был еси́, Иоа́нне, егда́, прише́д в страны́ Ифа́льския, увеща́л еси́ та́мо су́щих христиа́н не отступа́ти от Со́лнца Пра́вды Христа́ Бо́га, но вы́ну пе́ти Ему́: Аллилу́иа.
Икос 5
Ви́дя святы́й приводи́мыя пред него́ по повеле́нию царе́ву ве́рныя Христу́ лю́ди на муче́ние за ве́ру Христо́ву, зело́ скорбе́ за них, в се́рдце свое́м пеки́йся, да изба́вит их от руки́ мучи́телевы. Таково́е твое́ попече́ние о них похваля́юще, зове́м ти:
Ра́дуйся, любо́вь Христо́ву в се́рдце свое́м име́вый; ра́дуйся, я́ко то́ю согрева́ем от мучи́телей ве́рныя рабы́ Христо́вы спаса́л еси́.
Ра́дуйся, веле́ния нечести́вых презре́вый; ра́дуйся, за́поведи Христо́вы сохрани́вый.
Ра́дуйся, ве́рных рабо́в Христо́вых дру́же; ра́дуйся, христиа́н засту́пниче.
Ра́дуйся, су́щим в темни́цех и во у́зех уте́шителю; ра́дуйся, ни́щих корми́телю.
Ра́дуйся, стра́нных води́телю; ра́дуйся, немощству́ющих врачу́.
Ра́дуйся, засту́пниче си́рых; ра́дуйся, пла́чущих уте́шителю.
Ра́дуйся, Иоа́нне, святы́й Во́ине и пресла́вный чудотво́рче.
Кондак 6
Посто́м и моли́твою плоть твою́ ду́хови порабо́тил еси́ и во сла́ву Бо́жию духо́вне пожи́л еси́; сего́ ра́ди ны́не предстои́ши Престо́лу Пресвяты́я Тро́ицы, вы́ну воспева́я песнь: Аллилу́иа.
Икос 6
Возсия́л еси́, я́ко но́вое свети́ло на тве́рди небе́сней, всему́ христиа́нскому ро́ду, егда́ Бо́жиим изволе́нием обре́тено бысть нетле́нное те́ло твое́, источа́ющее оби́лие чуде́с с ве́рою к твоему́ заступле́нию притека́ющим и моли́твенно тебе́ взыва́ющим:
Ра́дуйся, Бо́гу житие́м твои́м угоди́вый; ра́дуйся, сего́ ра́ди от Него́ прославле́ние прия́вый.
Ра́дуйся, тщету́ и пре́лесть ми́ра сего́ презре́вый; ра́дуйся, мзду Небе́сную восприя́вый.
Ра́дуйся, я́ко о ма́ле ве́рен яви́лся еси́; ра́дуйся, я́ко оби́лие благода́ти Бо́жией прия́ти сподо́бился еси́.
Ра́дуйся, я́ко в житии́ сем бли́жняго самоотве́рженно возлюби́л еси́; ра́дуйся, я́ко в ско́рбех и напа́стех су́щим засту́пник был еси́.
Ра́дуйся, ду́шу свою́ за дру́ги полага́вый; ра́дуйся, те́плый хода́таю за нас у Царя́ Небе́снаго.
Ра́дуйся, от мучи́телева гне́ва христиа́ны спаса́вый; ра́дуйся, я́ко и днесь о спасе́нии на́шем пече́шися.
Ра́дуйся, Иоа́нне, святы́й Во́ине и пресла́вный чудотво́рче.
Кондак 7
Хотя́щу ти от ми́ра сего́ пресели́тися, смиренному́дрием побужда́ем, повеле́л еси́ не́коему челове́ку те́ло твое́ положи́ти в до́ме, иде́же стра́ннии и ни́щии погреба́хуся. Госпо́дь же, смире́нныя вознося́й, благоволи́ сохрани́ти о́ное нетле́нно и чудотворе́ния источа́ющее всем ко твоему́ заступлению с ве́рою притека́ющим и о тебе́ Бо́гу вопию́щим: Аллилу́иа.
Икос 7
Но́вую показа́ ми́лость рабо́м Свои́м Человеколю́бец Госпо́дь, егда́ благоволи́ просла́вити тя и яви́ти в тебе́ благода́ть Свою́ чудотворя́щу. Мы же таково́му промышле́нию Бо́жию ра́дующеся, благода́рне вопие́м:
Ра́дуйся, вмести́лище благода́ти Бо́жией; ра́дуйся, сосу́де Бо́жий избра́нный.
Ра́дуйся, чудотво́рче преди́вный; ра́дуйся, притека́ющим к тебе́ с ве́рою ско́рую по́мощь подава́яй.
Ра́дуйся, душе́вных и теле́сных неду́гов на́ших цели́телю; ра́дуйся, бесо́в о и́мени Христо́ве изгони́телю.
Ра́дуйся, лука́вство врага́ челове́ческаго обличи́телю; ра́дуйся, целому́дрия охрани́телю.
Ра́дуйся, благочести́вых супру́жеств от вся́каго диа́вольскаго прельще́ния незри́мая огра́до; ра́дуйся, татьбы́ и граби́тельства ско́рый обличи́телю.
Ра́дуйся, соврати́вшихся на путь и́стины наста́вителю; ра́дуйся, проше́ния на́ша на по́льзу исполня́яй.
Ра́дуйся, Иоа́нне, святы́й Во́ине и пресла́вный чудотво́рче.
Кондак 8
Стра́нное и ди́вное явле́ние твое́ чрез со́нное виде́ние не́коей жене́ благогове́йней уве́девшей и но́ваго чудотво́рца и уго́дника Бо́жия в тебе́ позна́вшей, лю́дие константино́польстии умили́шася и возопи́ша Бо́гу: Аллилу́иа.
Икос 8
Весь доброде́тельми испо́лненный в жи́зни сей, по сме́рти же сла́вою Бо́жиею озаре́нный, преклоня́еши у́хо твое́ на моли́твы чту́щих тя, от ни́хже слы́шиши сицева́я:
Ра́дуйся, милосе́рдию Отца́ Небе́снаго подража́телю; ра́дуйся, а́лчущих пита́телю.
Ра́дуйся, стра́нных неви́димый сопу́тниче; ра́дуйся, си́рых покрови́телю.
Ра́дуйся, озлобля́емых уте́шителю; ра́дуйся, за и́стину терпя́щих подкрепи́телю.
Ра́дуйся, неду́гующим осла́бу и исцеле́ние подава́яй; ра́дуйся, в беда́х су́щих засту́пниче.
Ра́дуйся, ни́щия возлюби́вый; ра́дуйся, я́ко с ни́ми и по отше́ствии от ми́ра сего́ те́лом разлучи́тися не восхоте́л еси́.
Ра́дуйся, я́ко в до́ме убо́гих погребсти́ те́ло свое́ завеща́л еси́; ра́дуйся, за смиренному́дрие твое́ венце́м от Бо́га увенча́нный.
Ра́дуйся, Иоа́нне, святы́й Во́ине и пресла́вный чудотво́рче.
Кондак 9
Все во́инство а́нгельское возра́довашеся, ви́дя тя, во́ина Царя́ Небе́снаго непреобори́ма, победи́вша миродержи́теля тьмы и пре́лести ве́ка сего́, те́мже и воспе́ Бо́гу: Аллилу́иа.
Икос 9
Вити́и многовеща́ннии не возмо́гут по достоя́нию восхвали́ти страда́ния твоя́, за Христа́ претерпе́нныя, и милосе́рдия и целому́дрия твоего́ по́двиги. Мы же таковы́м дивя́щеся, в не́мощи на́шей ма́лыя сия́ хвале́ния прино́сим тебе́:
Ра́дуйся, Христа́ всем се́рдцем возлюби́вый; ра́дуйся, во́льная страда́ния за И́мя Его́ претерпе́вый.
Ра́дуйся, о Бо́зе Вседержи́теле поревнова́вый; ра́дуйся, вене́ц му́ченический стяжа́вый.
Ра́дуйся, пра́вило ве́ры и воздержа́ния учи́телю; ра́дуйся, нищету́ духо́вную прояви́вый.
Ра́дуйся, смиренному́дрием твои́м ду́ха горды́ни низложи́вый; ра́дуйся, насле́дие Ца́рства Небе́снаго стяжа́вый.
Ра́дуйся, в дому́ Отца́ Небе́снаго оби́тель себе́ сотвори́вый; ра́дуйся, я́ко о спасе́нии на́шем при́сно хода́тайствуеши.
Ра́дуйся, по́мощь ско́рую прося́щим подава́яй; ра́дуйся, я́ко немо́лчно мо́лиши за ны Христа́ Бо́га.
Ра́дуйся, Иоа́нне, святы́й Во́ине и пресла́вный чудотво́рче.
Кондак 10
Спасти́ хотя́ ду́шу свою́, презре́л еси́ веле́ния мучи́теля, и о те́ле свое́м неради́в, ра́достно восприя́л еси́ у́зы желе́зныя и темни́чную скорбь, Иоа́нне, Христо́в Во́ине, воспева́я укрепля́вшему тя Бо́гу: Аллилу́иа.
Мученик Иоанн Воин
Икос 10
Стена́ еси́ и тве́рдое прибе́жище всем с моли́твою к тебе́ прибега́ющим, чудотво́рче Иоа́нне, сего́ ра́ди зове́м ти:
Ра́дуйся, ско́рый послу́шниче всех призыва́ющих тя; ра́дуйся, я́ко честны́я мо́щи твоя́ благоволи́ Бог просла́вити чудесы́.
Ра́дуйся, я́ко и от ико́н твои́х подае́тся благода́ть Бо́жия взира́ющим на них с ве́рою; ра́дуйся, я́ко в созда́нных на прославле́ние и́мене твоего́ хра́мех незри́мо обита́еши.
Ра́дуйся, я́ко никто́же та́мо с ве́рою моля́щийся тощ и неуслы́шан исхо́дит; ра́дуйся, я́ко моли́твами твои́ми подкрепля́еши на́ша моле́ния, ко Престо́лу Вседержи́теля восходя́щия.
Ра́дуйся, я́ко коего́ждо проше́ния предвари́ти тщи́шися; ра́дуйся, я́ко на стро́потнем пути́ греха́ иду́щим вразумле́ния подае́ши.
Ра́дуйся, я́ко искуша́емым от диа́вола ско́рую по́мощь явля́еши; ра́дуйся, я́ко всех идти́ на путь спасе́ния направля́еши.
Ра́дуйся, я́ко гре́шныя на покая́ние наставля́еши; ра́дуйся, уго́дниче Христо́в и моли́твенниче о нас благоприя́тный.
Ра́дуйся, Иоа́нне, святы́й Во́ине и пресла́вный чудотво́рче.
Кондак 11
Пе́ние похва́льное прино́сим тебе́, му́чениче Христо́в Иоа́нне, е́же с любо́вию прие́мля, моли́ Го́спода избавитися нам от бед и скорбе́й, наипа́че же в час кончи́ны на́шея твои́м заступле́нием предвари́, да не умре́м безпокая́нны, но сподо́бимся в Небе́сных селе́ниих с тобо́ю воспе́ти Бо́гу: Аллилу́иа.
Икос 11
Свеща́ еси́ в це́ркви Христо́вей, горя́щи невеще́ственным све́том благода́ти Бо́жией и озаря́ющи тьму неразу́мия на́шего, Иоа́нне преблаже́нне. Сего́ ра́ди мо́лим ти ся: просвети́ ны, омраче́нныя грехо́м, да воспои́м тебе́:
Ра́дуйся, свет Боже́ственнаго уче́ния в се́рдце свое́м носи́вый; ра́дуйся, я́ко тем просвеща́ем, тьму и́дольскаго служе́ния обличи́л еси́.
Ра́дуйся, я́ко и нам те́мже све́том просвети́тися тщи́шися; ра́дуйся, я́ко сла́ву Трисия́ннаго Божества́ лице́м к Лицу́ зри́ши.
Ра́дуйся, лучу́ благода́ти Бо́жией, от Со́лнца Пра́вды возжже́нный; ра́дуйся, озаря́яй тьму неве́дения на́шего све́том Христо́вых за́поведей.
Ра́дуйся, путево́дная звезда́ всем и́щущим спасе́ния; ра́дуйся, я́ко наставля́еши нас на вся́кое де́ло благо́е.
Ра́дуйся, я́ко мысль бла́гу нам на се́рдце во благовре́мении полага́еши; ра́дуйся, я́ко во́инскому зва́нию о́браз до́браго во́ина в себе́ показу́еши.
Ра́дуйся, озари́вый вселе́нную све́том доброде́телей твои́х; ра́дуйся, я́ко, ви́дя до́брая де́ла твоя́, челове́цы Отца́ Небе́снаго прославля́ют.
Ра́дуйся, Иоа́нне, святы́й Во́ине и пресла́вный чудотво́рче.
Кондак 12
Благода́ть дана́ тебе́ от Бо́га во е́же руково́дствовати ко спасе́нию и сохраня́ти от бед чту́щих па́мять твою́, сего́ ра́ди моли́твами твои́ми огради́ от вся́каго зла Це́рковь и страну́ Росси́йскую, ве́рныя же вся в доброде́телех преуспева́ти сотвори́, да воспои́м вси Бо́гу: Аллилу́иа.
Икос 12
Пою́ще Бо́га, ди́внаго во святы́х Свои́х, хва́лим тя, Христо́ва испове́дника, во́ина же и чудотво́рца хвале́ньми сицевы́ми:
Ра́дуйся, Це́ркве Бо́жия украше́ние; ра́дуйся, к во́инству Небе́сному сопричте́нный.
Ра́дуйся, всеору́жие Бо́жие прие́мый; ра́дуйся, тем вся ко́зни вра́жия преодоле́вый.
Ра́дуйся, броне́ю пра́ведности облече́нный; ра́дуйся, щито́м ве́ры осене́нный.
Ра́дуйся, шлем спасе́ния стяжа́вый; ра́дуйся, меч духо́вный, е́же есть сло́во Бо́жие, па́че вся́каго ору́жия возлюби́вый.
Ра́дуйся, препоя́санный от Бо́га пра́вдою и и́стиною о чре́слех свои́х; ра́дуйся, я́ко к зва́нным на бра́чную ве́черю А́гнца сопричте́н еси́.
Ра́дуйся, я́ко та́мо воспе́ти песнь но́ву пред Престо́лом Его́ сподо́бился еси́; ра́дуйся, на Не́бе приобща́яйся ны́не Христа́ и́стее, не́же иногда́ на земли́.
Ра́дуйся, Иоа́нне, святы́й Во́ине и пресла́вный чудотво́рче.
Кондак 13
О святы́й уго́дниче Христо́в и чудотво́рче Иоа́нне Во́ине! Приими́ сие́ хвале́ние на́ше и мольбы́ тебе́ приноси́мыя, и благоприя́тными твои́ми к Бо́гу моли́твами изба́ви нас от вся́ких зол и обстоя́ний, боле́зней душе́вных и теле́сных, и от ве́чнаго муче́ния предста́тельством твои́м сохрани́ и досто́йны Ца́рствия Небе́снаго бы́ти умоли́, да сподо́бимся в Небе́сных селе́ниих воспева́ти Бо́гу: Аллилу́иа.
Этот кондак читается трижды, зате́м 1-й икос и 1-й кондак.
Мученик Иоанн Воин
Где купить иконы Божией Матери
Переходите по этой ссылке, чтобы узнать все подробности
Вам понравятся эти статьи:
Календарь православных праздников на июнь 2022
Церковные праздники в июле 2022
Православные праздники в августе 2022
Какой завтра православный праздник
Владимирская Икона Божией Матери
Святой мученик Василис Команский
Мученик Георгий Новый
Праведный Иоанн Русский
